నిన్ను విడిచి యుందునా..

నిన్ను విడిచి యుందునా నే నొక్క నాడైన

సన్నుతాంగ శ్రీరామ జానకీ రమణ



విడువనేర్తు నినుతెలుపని విద్యల నన్నింటిని

విడువనేర్తు ధనములపై వెల్లువెత్తు మోహమును

విడువనేర్తు మిత్రబంధువితతి పైని ప్రేముడిని

విడువనేర్తు నిజశరీరస్పృహనైన నిశ్చయముగ



నిన్ను విడిచి యుందునా నేను నీ భక్తుడనై

అన్నిటికిని నీవుంటి వనుచు నుందుగాని

యెన్నడేని యేదేని యెటులైన విడువనో

కన్నతండ్రి నీకొరకై కరుణారస వార్నిధి



పాపబుధ్ధులను కలిసి పకపకలు వికవికలు

నే పగిది నేని విడువ నిచ్చగింతు గాని

తేప కీరీతి తోలుతిత్తులలో దూరుబుధ్ధి

నేపగిది నేని విడువ నిచ్చగింతు గాని