22, జనవరి 2019, మంగళవారం
మల్లెపూలతో శివుని మనసార పూజింప
మల్లెపూలతో శివుని మనసార పూజింప
తల్లి సీతమ్మకు తహతహ కలిగె
చెలులార చెలులార శివదేవుని మల్లెలతో
కొలచెదము కొల్లలుగ కోసుకొని రండన్నది
కలనైన మల్లెలను కనీవినీ యెరుగమని
చెలులందరు పలుకగా చింతించ దొడగినది
తెలిసి వదినమ్మ చింత తెచ్చి చూపె సౌమిత్రి
యలనాడు సీతారాము లొసంగిన దండలు
చెలులు రిచ్చపడి రవి చెక్కు చెదర కున్నవని
పలికె నతడు దివ్యదంపతుల మహిమచే నని
హనుమా ఓ హనుమా యని పిలచె సీతమ్మ
హనుమ వచ్చి యాజ్ఞగొని జనస్థానమున కేగి
కొనివచ్చెను విరబూచిన గుబురుమల్లె పొదలను
వనిత సీతమ్మచేసె తనివార శివపూజను