17, జనవరి 2019, గురువారం

కలనైన కనుబడుమని కడు వేధింతునని

కలనైన కనుబడుమని కడు వేధింతునని
కలలేమి నిదురయే కరవుజేసినావు

బలే తెలివిగలిగిన వాడవులే రామయ్య
విలువ యిట్టిదా నా వెర్రిభక్తికి
పులకింతు నీనామమును లోనతలచుచు
తలనొప్పిగాడని తలతువా నను నీవు

అతిభక్తితో నేను నిన్ననవరతము కొలుతునే
అతులితైశ్వర్యంబుల నడిగుదునా
చతురుడనై సింహాసనములే నడిగితినా
బ్రతిమలాడుదు కంటబడు మొక్కసారియని

వినవయ్య నీకన్న వేరు దైవం బెవడు
కనుక నీ సన్నిధిని కాంక్షింతును
ననుగన్న తండ్రి నీవును నన్ని ట్లుపేక్షించి
కనుపించ కున్న నాకు కర్థవ్య మేమింక