8, ఏప్రిల్ 2018, ఆదివారం

ఎందరో రాజన్యు లెత్తలేని వింటిని


ఎందరో రాజన్యు లెత్తలేని వింటిని
అందగా డెత్తెనే యవలీలగ

శివుని తేజ మందు నిక్షిప్థమై యుండగ
యెవరెవరో వచ్చి దాని నెత్తనేర్తురే
చివరకు శ్రీరాముడై శ్రీమహావిష్ణువే
యవలీలగ నెత్తగలిగె నంతియె కాక

శివభక్తుడు జనకునింట శ్రీమహాలక్ష్మియే
అవతరించి సీతగా నలరారగ
నెవరికైన శివధనువు నెత్త వచ్చునే
అవలీలగ రాముడెత్తె హరి తానె గాన

హరిహరుల కబేధము నాత్మలో నెఱుగుడు
హరచాపము నెత్తెడు నరపతి గలడే
హరుడెత్తు హరియెత్తు నంతియె కాన
హరి రాముడై దాని నవలీలగ నెత్తె

వ్యాఖ్యలు లేవు:

వ్యాఖ్యను పోస్ట్ చెయ్యండి

కం. పలుకుడు పలికెడు నెడలను
పలుకుల విలువలకు మురిసి పలికెడు కళలో
నిల గడుగడు నిపుణులు తగ
పలికెడు తెఱగిటుల ననుచు పలుకగ విబుధుల్

(తెలుగులో వ్రాయటానికి అవసరమైతే లేఖిని సహాయం తీసుకోండి. Windows వాడేవారు ప్రముఖ్ IME డౌన్ లోడ్ చేసుకోవచ్చును )

గమనిక: అమోదించబడిన వ్యాఖ్యలు మాత్రమే ప్రచురించబడతాయి.