13, ఏప్రిల్ 2018, శుక్రవారం

మగడో పెండ్లామో మాటిమాటికి


మగడో పెండ్లామో మాటిమాటికి
నగు గాని భోగాశ తెగదు దేహికి

ఎంత భోగించితే నీ దేహి కామము
కొంతతీరు ననిచెప్ప గూడని దాయె
నంతకంతకు పెరుగు నంతియె కాక
చింతించునే పరము చిత్తములోన

ఒకరికొకరు తామనే యూహయె కాని
యొకనాడును దేవుడే యూహకు రాడు
తగులుకొన్న వారలు తరలిన నైన
తెగదుగా భోగాశ దేహికి రామా

ఎన్నడో యొక దేహికి యీ భోగాశ
యన్నది దిగజారగ నాపై నీపై
తిన్నగా దృష్టి నిలిచి దివ్యపదమున
చెన్నొందు తిరుగుటుడిగి సృష్టిలోపల


వ్యాఖ్యలు లేవు:

వ్యాఖ్యను పోస్ట్ చెయ్యండి

కం. పలుకుడు పలికెడు నెడలను
పలుకుల విలువలకు మురిసి పలికెడు కళలో
నిల గడుగడు నిపుణులు తగ
పలికెడు తెఱగిటుల ననుచు పలుకగ విబుధుల్

(తెలుగులో వ్రాయటానికి అవసరమైతే లేఖిని సహాయం తీసుకోండి. Windows వాడేవారు ప్రముఖ్ IME డౌన్ లోడ్ చేసుకోవచ్చును )

గమనిక: అమోదించబడిన వ్యాఖ్యలు మాత్రమే ప్రచురించబడతాయి.