18, ఏప్రిల్ 2018, బుధవారం

మరిమరి నిన్నే మనసున దలచుచు



మరిమరి నిన్నే మనసున దలచుచు
మురియగ భక్తులు ముచ్చటగ

చిరుచిరు నగవులు చిందులు వేయుచు
దొరలుచు నుండును నిత్యమును
పరమానందసంభరితులు వారల
నరయుట పండువ యన్నట్లు లుండు

పరమాత్మ నిను భావన చేయుచు
కురియగ కనులు పరమహర్షమున
హరిహరి రామా యనెడు వారలను
ధర నెవ్వడు గను ధన్యుడు వాడు

వసనము జారుట పట్టని వారల
కసరెడు నితరుల గాంచని వారల
దెసలను వేళలు తెలియని వారల
నసదృశుల గను నట్టిడు ధన్యుడు






వ్యాఖ్యలు లేవు:

వ్యాఖ్యను పోస్ట్ చెయ్యండి

కం. పలుకుడు పలికెడు నెడలను
పలుకుల విలువలకు మురిసి పలికెడు కళలో
నిల గడుగడు నిపుణులు తగ
పలికెడు తెఱగిటుల ననుచు పలుకగ విబుధుల్

(తెలుగులో వ్రాయటానికి అవసరమైతే లేఖిని సహాయం తీసుకోండి. Windows వాడేవారు ప్రముఖ్ IME డౌన్ లోడ్ చేసుకోవచ్చును )

గమనిక: అమోదించబడిన వ్యాఖ్యలు మాత్రమే ప్రచురించబడతాయి.