16, ఏప్రిల్ 2018, సోమవారం

చందురుని కంటె నీ వందగాడివే


చందురుని కంటె నీ వందగాడివే
యందు కింకేమి సందియము

శృంగారరామ నీ చేసిన సృష్టి నె
బ్భంగిని నినుమించు వాడుండును
అంగజగురుడా యందాల దేవుడా
బంగారు తండ్రి ఏ వంక నీకుండు

అందమైన యీ సృష్టి యందాల నీకళల
యం దొక్కకళ కాక యన్యము కాదే
యిందుగల చరాచరము లీనీచిత్కళలో
పొందెను తదంశలౌ నందచందములు

చందురున కున్న మచ్చలు నీకు లేవుగా
చందురుడు నీ కెటుల సాటివచ్చు

నందరిని చక్కగా నాదరించెడు రామ
చందురుడా నీకిదే సాగి మ్రొక్కేము

4 వ్యాఖ్యలు:

  1. గురువుగారు త్యాగరాజు స్వామి ఎందరో మహానుభావులు కీర్తనలో చందురు వర్ణుని అని ఎందుకు వ్రాశారు. రాముడు నీలవర్ణుడు కదా

    ప్రత్యుత్తరంతొలగించు
    ప్రత్యుత్తరాలు
    1. మీకు చిన్నగా సమాధానం వ్రాయట్ం కుదరక ఒకటపాయే వ్రాసాను. చదివి మీ అభిప్రాయం చెప్పండి.

      (మీరు ఏమీ అనుకోకపోతే ఈ‌బుచుకీ పిచికా అన్న పేర్లకు బదులు మీనిజనామధేయంతో వ్రాస్తే బాగుంటుందని నా సూచన.)

      తొలగించు
  2. శ్యామలీయం కలం నుంచి కూదా సౌందర్యం,శ్రంగారం జాలువారుతున్నాయే!

    ప్రత్యుత్తరంతొలగించు
  3. బుచికి అన్నమాట నాకు ఇష్టం. ఏ భావాన్ని చెప్పటానికయినా యిట్టె సరిపోతుంది. పైగా నా పేరుకు కూడా సరిపోతుంది. It is a harmless fun word which I like very much. మరీ serious గా ఉంటె నాకు బుచికి. బుచికిగా ఉంటుంది.

    ప్రత్యుత్తరంతొలగించు

కం. పలుకుడు పలికెడు నెడలను
పలుకుల విలువలకు మురిసి పలికెడు కళలో
నిల గడుగడు నిపుణులు తగ
పలికెడు తెఱగిటుల ననుచు పలుకగ విబుధుల్

(తెలుగులో వ్రాయటానికి అవసరమైతే లేఖిని సహాయం తీసుకోండి. Windows వాడేవారు ప్రముఖ్ IME డౌన్ లోడ్ చేసుకోవచ్చును )

గమనిక: అమోదించబడిన వ్యాఖ్యలు మాత్రమే ప్రచురించబడతాయి.