1, నవంబర్ 2017, బుధవారం

ఊహింప నలవిగాక యుండును హరిమాయ ఆహా ఆ బ్రహ్మకైన ఆ శివున కైన


ఊహింప నలవిగాక యుండును హరిమాయ
ఆహా ఆ బ్రహ్మకైన ఆ శివున కైన

మోహిని యగు వేళ పురుషోత్తముని హరిని
మోహించి వెంటబడెను పురారాతి శివుడే
ఆహాహా ఆ శివుడే యంత తబ్బిబ్బుపడిన
దేహధారులకు హరి తెలియ వచ్చేనా

గోపాలకుడైన హరి గోవులను కొంపోయి
పాపమా బ్రహ్మయే భంగపడి కేల్మోడ్చె
ఆ పితామహున కన్ననధికులా నరులు
శ్రీపతి పెనుమాయలో చిక్కకుండుటకు

హరి రాముడైన వేళ నందరు దేవతలు
నరుదెంచి జనకసుత యగ్నిజొచ్చి నపుడు
పరమపురుష నిన్ను నీవు మరచినావనిరి
సురలెరుగని హరిలీల నరులెరుగ వశమా

వ్యాఖ్యలు లేవు:

వ్యాఖ్యను పోస్ట్ చెయ్యండి

కం. పలుకుడు పలికెడు నెడలను
పలుకుల విలువలకు మురిసి పలికెడు కళలో
నిల గడుగడు నిపుణులు తగ
పలికెడు తెఱగిటుల ననుచు పలుకగ విబుధుల్

(తెలుగులో వ్రాయటానికి అవసరమైతే లేఖిని సహాయం తీసుకోండి. Windows వాడేవారు ప్రముఖ్ IME డౌన్ లోడ్ చేసుకోవచ్చును )

గమనిక: అమోదించబడిన వ్యాఖ్యలు మాత్రమే ప్రచురించబడతాయి.