9, నవంబర్ 2016, బుధవారం

హరినామ జపమున


హరినామజపమున నగుగాక శుభమని
పరికించి రాముని భజియించు ఘనుడు

భవదోషముల నెల్ల పడద్రోయ హరినామ
మవలంబనం బనుచు నాత్మలో దలచి
భువి నందరను గాచి ముక్తినిచ్చెడు దాని
నవిరళంబుగ జేయు నతడెపో ఘనుడు
హరి

ధవళాయతాక్షుడు ధర్మావతారుడు
వవనాత్మజాసేవ్యపాదరాజీవుడు
రవికులోత్తముడు శ్రీరాముడే హరియని
యెవడు సేవించునో యెంచవాడే ఘనుడు
హరి

రాతి నచ్చెరువుగను నాతిగా జేసిన
కోతికే బ్రహ్మగా గొప్ప నందించిన
ప్రీతితో విభీషణు విభునిగా జేసిన
సీతామనోహరుని చేరువాడే ఘనుడు
హరి



3 వ్యాఖ్యలు:

  1. ముఖ్య గమనిక రామానుగ్రహంతో యీ రామకీర్తనతో ఇప్పటికి 200ల కీర్తనలు సంపన్నం కావటం‌ జరిగింది. (సెప్టెంబరు 9న 100వ రామకీర్తన వెలువడింది. ఈ 200వ రామకీర్తన నవంబరు 9న వెలువడింది.)

    ప్రత్యుత్తరంతొలగించు
  2. రెండు వందల రామకీర్తనలు పూర్తి చేసిన మీకు శుభాభినందనలు!

    ప్రత్యుత్తరంతొలగించు

కం. పలుకుడు పలికెడు నెడలను
పలుకుల విలువలకు మురిసి పలికెడు కళలో
నిల గడుగడు నిపుణులు తగ
పలికెడు తెఱగిటుల ననుచు పలుకగ విబుధుల్

(తెలుగులో వ్రాయటానికి అవసరమైతే లేఖిని సహాయం తీసుకోండి. Windows వాడేవారు ప్రముఖ్ IME డౌన్ లోడ్ చేసుకోవచ్చును )

గమనిక: అమోదించబడిన వ్యాఖ్యలు మాత్రమే ప్రచురించబడతాయి.