4, నవంబర్ 2016, శుక్రవారం

హరిలేడు లేడని యను వానితో


హరిలేడు లేడని యను వానితో
హరిభక్తుడు వాదించ నవుసరమేమి

హరిని గూర్చి యవలివాని కరచి చెప్పినా
హరితత్త్వము వానిబుద్ధి కవగతమగునా
పరమభక్తుడగువాడు బడయు జ్ఞానము
పరమశుంఠ బుద్ధి నెట్లు భాసించేను
హరి

బహుజన్మల సంస్కార ఫలితము వలన
అహరహమును హరిస్మరణానందము కలుగు
విహితుడైన హరిని దలచు వేళల యందు
అహితులతో వాగ్వాదము లాడకు మీవు
హరి

శ్రీరాముడు దైవమని చెప్పుదు వీవు
శ్రీరాముని వాడు నింద చేసి నవ్వును
ధారుణి బహుజన్మ లెత్తి తానె తెలియును
శ్రీరాముడు వాని నపుడు చేరదీయును
హరి


వ్యాఖ్యలు లేవు:

వ్యాఖ్యను పోస్ట్ చెయ్యండి

కం. పలుకుడు పలికెడు నెడలను
పలుకుల విలువలకు మురిసి పలికెడు కళలో
నిల గడుగడు నిపుణులు తగ
పలికెడు తెఱగిటుల ననుచు పలుకగ విబుధుల్

(తెలుగులో వ్రాయటానికి అవసరమైతే లేఖిని సహాయం తీసుకోండి. Windows వాడేవారు ప్రముఖ్ IME డౌన్ లోడ్ చేసుకోవచ్చును )

గమనిక: అమోదించబడిన వ్యాఖ్యలు మాత్రమే ప్రచురించబడతాయి.