21, నవంబర్ 2016, సోమవారం

మ్రొక్కుదురో మానుదురో


మ్రొక్కుదురో మానుదురో నిక్కువంబుగ మీరే
చక్కగా నిశ్చయించి చనుడొక్క రీతిని

ఇక్కడ యీ భూమిపైన దక్కిన జీవితమే
చక్కనిదిది మా కిదే చాలును
ఎక్కడి స్వర్గమో యేదేవుడో యేల
మక్కువ లేదందురా మంచిది యటులే
మ్రొక్కుదురో

కారు బంధువులు సిరులు కావు సుమా రక్ష
పేరినకృపగల విభుని యట్లు
దారుణభవవార్ధిని తరియించ గోరిన
శ్రీరామచంద్రునే చింతించ వలెనని
మ్రొక్కుదురో

జీవుడు స్వతంత్రుడు చెడను బాగుపడను
దేవుడు మీ‌బాగుకోరు తెలియుడు
కావలసినదేమో గట్టిగా యోచించి
పోవుడొక్క విధమున బుధ్ధిశాలురై
మ్రొక్కుదురో



వ్యాఖ్యలు లేవు:

వ్యాఖ్యను పోస్ట్ చెయ్యండి

కం. పలుకుడు పలికెడు నెడలను
పలుకుల విలువలకు మురిసి పలికెడు కళలో
నిల గడుగడు నిపుణులు తగ
పలికెడు తెఱగిటుల ననుచు పలుకగ విబుధుల్

(తెలుగులో వ్రాయటానికి అవసరమైతే లేఖిని సహాయం తీసుకోండి. Windows వాడేవారు ప్రముఖ్ IME డౌన్ లోడ్ చేసుకోవచ్చును )

గమనిక: అమోదించబడిన వ్యాఖ్యలు మాత్రమే ప్రచురించబడతాయి.