ఆడే బొమ్మల నాడనీ పలుకాడే బొమ్మల నాడనీ యాడేపాడే బొమ్మలకు నిను వేడే వేడుక తీరనీ |
|
నీవే యూదిన యూపిరి తోడ నిలచియాడు నీబొమ్మలు నీవు చేయు కనుసన్నల వెంబడి కదలియాడు నీబొమ్మలు నీ వొనరించిన యాడేపాడే నీవినోదపు బొమ్మలు నీ వాడించే యాట లన్నిటిని హాయిగ నాడే బొమ్మలు |
ఆడే |
నీవు నేర్పిన పలుకులన్నిటిని నిరతము పలికే బొమ్మలు నీవు పాడమని నేలకు పంపిన నేర్పు గలిగిన బొమ్మలు నీ విధమంతయు పాటలు కట్టి నిత్యము పాడే బొమ్మలు నీ వాల్లభ్యము పట్టి నిత్యమును నిన్ను భజించే బొమ్మలు |
ఆడే |
మర్మమెఱింగియు నీ ముచ్చటకై మానక నాడే బొమ్మలు కర్మబంధములు గడచి నిలచి నీ ఘనతను పాడే బొమ్మలు నిర్మలమైన హావభావముల నీవు మెచ్చిన బొమ్మలు ధర్మవిగ్రహ రామచంద్ర నీ తత్త్వ మెఱింగిన బొమ్మలు |
ఆడే |