6, అక్టోబర్ 2016, గురువారం

పూవులతో మనరాముని పూజించుదమే


పూవులను కోయుదమా పూబోడి నేడు
పూవులతో మనరాముని పూజించుదమే


కువలయములు పూచె కోయుద మిపుడు
కువలయాక్షుని పూజ కొఱకైన నటులే
భువమోహనము సురపొన్న పూచినది
భువమోహనుని మనము పూజింప గొనవే
పూవులను

ఆ గన్నేరు పూవు లందగించి పూసె
చేగొనవే హరిపూజ చేయుట కొరకు
నాగకేసరములు బాగుగ విరిసె
నాగశయను పూజకై నళినాక్షి గొనవె
పూవులను

మల్లెలివే విరబూచె మనతోటలో
నల్లనయ్య కీయవలె మల్లెలమాల
తెల్లసన్నజాజు లివే కొల్లగపూచె
ఆల్లవే మాలలను హరిపూజకు
పూవులను


వ్యాఖ్యలు లేవు:

వ్యాఖ్యను పోస్ట్ చెయ్యండి

కం. పలుకుడు పలికెడు నెడలను
పలుకుల విలువలకు మురిసి పలికెడు కళలో
నిల గడుగడు నిపుణులు తగ
పలికెడు తెఱగిటుల ననుచు పలుకగ విబుధుల్

(తెలుగులో వ్రాయటానికి అవసరమైతే లేఖిని సహాయం తీసుకోండి. Windows వాడేవారు ప్రముఖ్ IME డౌన్ లోడ్ చేసుకోవచ్చును )

గమనిక: అమోదించబడిన వ్యాఖ్యలు మాత్రమే ప్రచురించబడతాయి.