6, అక్టోబర్ 2016, గురువారం

చక్రమేది శంఖమేది



చక్రమేది శంఖమేది చాపమొకటె చేపట్టి
విక్రమించి రాక్షసుల పిండిపిండి చేసితివి

హరిని వధింతునని యన్నిట గ్రుమ్మరి
పరమాత్మా మిక్కిలి భంగపడి
సురలను మునులను పరిభవించి తుదకు
నరుడవై నీవురా విరిగె నా రావణుడు
శంఖమేది

పదితలలుండు గాక పంచాయుధము లేల
వదలిన పదునైన బాణములు
ముదిరిన వాని పీడ వదిలించగా నీవు
ముదితులై రెల్ల లోకములలోని జనులు
చక్రమేది

నరులను వానరులను నవ్వి చులకన చేసె
నరుడగ నీవురా నాడెఱిగె
నరునిగ వచ్చిన వాడు హరియన్న సత్యము
నరుడనే నేనని నమ్మిన రామయ్య
చక్రమేది


వ్యాఖ్యలు లేవు:

వ్యాఖ్యను పోస్ట్ చెయ్యండి

కం. పలుకుడు పలికెడు నెడలను
పలుకుల విలువలకు మురిసి పలికెడు కళలో
నిల గడుగడు నిపుణులు తగ
పలికెడు తెఱగిటుల ననుచు పలుకగ విబుధుల్

(తెలుగులో వ్రాయటానికి అవసరమైతే లేఖిని సహాయం తీసుకోండి. Windows వాడేవారు ప్రముఖ్ IME డౌన్ లోడ్ చేసుకోవచ్చును )

గమనిక: అమోదించబడిన వ్యాఖ్యలు మాత్రమే ప్రచురించబడతాయి.