11, అక్టోబర్ 2016, మంగళవారం

దశరథరామయ్య దండు వెడలి నాడు



దశరథరామయ్య దండు వెడలి నాడు
దశముఖరావణు దండింపగా

హరిసోదరి దుర్గ వరవిక్రమాన్వితుని
పరమదుస్సహుడైన పాపాత్ముని
గరువంపు మహిషాసురుని ఘోరాజిని
విరచిన దినమైన విజయదశమి నాడు
దశరథ

గజముఖు నర్చించి కమలాక్షు సోదరి
విజయదుర్గకు పూజ వెలయించి
విజయరాఘవమూర్తి వెడలెను లంకపై
విజయదశమినాడు ధ్వజమెత్తి
దశరథ

నాడు క్లీంకారంబు నాలుకపై నున్న
వాడు సుదర్శనవసుధేశు
తోడై రక్షించిన దుర్గమ్మ దీవింప
వేడుక మీఱగ విజయదశమి నాడు
దశరథ