ఆతడు పెట్టిన యన్నము కానిది ఆరగింపు కలదె

ఆతడు పెట్టిన యన్నము కానిది ఆరగింపు కలదె ఆత డొసంగిన శక్తియుక్తుల కన్యమొండు కలదె
ఆతడిచ్చిన తనువిది కాక ఆకృతి యన నేది ఆతడిచ్చిన ఊపిరి కాక ఆధారం బేది ఆతడిచ్చిన తలపులె కాక అన్యబుద్ధి యేది ఆతడిచ్చిన పలుకులె కాక అన్యం బొండేది	ఆతడు
ఆతడు నడిపించు నట్లే అడుగులు కదిలేను ఆతడు తలపోసి నట్లే అన్నియు నమరేను ఆతడు సెలవిచ్చు నట్లే అన్నియు జరిగేను ఆతడు నీవాడనేలే యననటె జరిగేను	ఆతడు
ఆతడు నాదేవదేవుడే యన్నది తెలిసేనే ఆతడు కరుణాంతరంగుడే యన్నది తెలిసేనే ఆతడు నా ప్రాణపతియే యన్నది తెలిసేనే అతడు శ్రీరామచంద్రుడే యన్నది తెలిసేనే	ఆతడు