చిత్తము లోపల శ్రీరాము డున్నాడు మెత్తని వాడు దైవసత్తము డితడు |
|
పూర్వభవంబుల పొందిన వరమా సార్వభౌముడులోన సాక్షాత్కరించె దుర్వారమైనట్టి గర్వాదులను గెంటి సర్వస్వమై బుధ్ధిసామ్రాజ్య మేలె |
చిత్తము |
వెడదకన్నులవాడు వీరోత్తముడు నిడుదచేతులవాడు నిష్కల్మషుడు అడుగకయే లోన నడుగిడి నాడు అడుగడుగున రక్షయై నిల్చినాడు |
చిత్తము |
చిరుతనోటికి నేర్పె శ్రీరామ యనుట నరనరమున భక్తి నాటి సంరక్షించె తరమా శ్రీరామునిదయ యిట్టిదనగ నిరుపమానమది నిర్హేతుకము |
చిత్తము |