5, సెప్టెంబర్ 2016, సోమవారం

ఈమాత్ర మెఱుగనా ఈశ్వరా?




ఈ మాత్ర మెఱుగనా యీశ్వరా
ఈ మాయ నీదేగా యీశ్వరా


నీటిలోన చేప లెట్టు లీశ్వరా
నీటిబయట జగతి నెఱుగు నీశ్వరా
కోటిజన్మములకు నైన నీశ్వరా
సూటిగ తన్నెవ్వ డెఱుగు నీశ్వరా
ఈమాత్ర

ప్రకృతికవల నున్న ని న్నీశ్వరా
ప్రకృతిలోని జీవు లెఱుగ రీశ్వరా
వికృతమైన మాయమ మ్మీశ్వరా
సకృతుగానైన వదల దీశ్వరా
ఈమాత్ర

కొంచెపు జీవులమె కాని యీశ్వరా
యెంచనలవి కాని దయల నీశ్వరా
మంచిగ శ్రీరాముడవై యీశ్వరా
పంచి రక్షించు చుందు వీశ్వరా
ఈమాత్ర


వ్యాఖ్యలు లేవు:

వ్యాఖ్యను పోస్ట్ చెయ్యండి

కం. పలుకుడు పలికెడు నెడలను
పలుకుల విలువలకు మురిసి పలికెడు కళలో
నిల గడుగడు నిపుణులు తగ
పలికెడు తెఱగిటుల ననుచు పలుకగ విబుధుల్

(తెలుగులో వ్రాయటానికి అవసరమైతే లేఖిని సహాయం తీసుకోండి. Windows వాడేవారు ప్రముఖ్ IME డౌన్ లోడ్ చేసుకోవచ్చును )

గమనిక: అమోదించబడిన వ్యాఖ్యలు మాత్రమే ప్రచురించబడతాయి.