28, సెప్టెంబర్ 2016, బుధవారం

మన యూరి చెఱు వెంత మహదొడ్డదైనా



మన యూరి చెఱు వెంత మహదొడ్డదైనా
వనరాశి కేమైన సాటి వచ్చేనా

దేవతయగు గాక దేవేంద్రుడగు గాక
వేవేల మహిమల వెలుగును కాక
సేవింపదగు గాక సిరులిచ్చు గాక
భావింపగ వాడు భగవంతుడగునా
మన

లోకంబులో వాడె లోకేశు డైన
లౌకికంబులు గాక నీ కీయలేడు
అ కొద్ది వరముల నందించినంత
ప్రాకటంబుగ వాడు భగంతుడగునా
మన

మోదమలరగ కొలిచి మోసపోనేల
ఏ దేవతయు మోక్షమిచ్చుట లేదు
వేదవేద్యుని రామవిభుని సేవించ
రాదా చేకొనరాదా పరంబు
మన


వ్యాఖ్యలు లేవు:

వ్యాఖ్యను పోస్ట్ చెయ్యండి

కం. పలుకుడు పలికెడు నెడలను
పలుకుల విలువలకు మురిసి పలికెడు కళలో
నిల గడుగడు నిపుణులు తగ
పలికెడు తెఱగిటుల ననుచు పలుకగ విబుధుల్

(తెలుగులో వ్రాయటానికి అవసరమైతే లేఖిని సహాయం తీసుకోండి. Windows వాడేవారు ప్రముఖ్ IME డౌన్ లోడ్ చేసుకోవచ్చును )

గమనిక: అమోదించబడిన వ్యాఖ్యలు మాత్రమే ప్రచురించబడతాయి.