పేరుకొన్న అజ్ఞానము ఊరకున్న తొలగేనా

పేరుకొన్న యజ్ఞానం బూరకున్న తొలగేనా ఊరకున్న తొలగునదై యున్న దొక్కకాయమే
ఏమయ్య యజ్ఞానం బెల్లరకు సహజమా నాముఖాన ప్రొద్దుపొడిచి నన్ను పట్టుకొన్నదా ఈమాయా జగమునందు సామాన్య మజ్ఞానము సామాన్యమైతే దాని సాగనంపు టేలాగు	పేరుకొన్న
సాగనంప దలచితేని యోగమార్గ మున్నది యోగమార్గ మందు నేను సాగిపోవు టేలాగు రాగద్వేషములు విడచి రాము నాశ్రయించుము యోగమందు రక్తి కలుగకున్న నూఱకుండుము	పేరుకొన్న
రక్తి లేక కాదు కాని శక్తి చాల దేమో శక్తియుక్తులన్ని రామచంద్రు డిచ్చు నీకు భక్తికలిగి రామదాసభావ మందు నిలచెద యుక్తమైనవిధము రామయోగమందు నిలచుట	పేరుకొన్న