23, సెప్టెంబర్ 2016, శుక్రవారం

నాతి యెఱింగెను నారాయణుడని



నాతి యెఱింగెను నారాయణుడని
యాతని ఘనమహిమాతిశయమును

చేయని తప్పుకు శిలవలెమారి
ఆయహల్య ముని యనుమతమునను
వేయేండ్లుగ హరి వేడుచు శ్రీరఘు
నాయకుస్పర్శకు నాతిగ మారెను
నాతి

శ్రీదయితునకై సీతగ తానే
ఆదిలక్ష్మియే యవతరించినది
మేదినిపై నట మిథిలానగరిని
వేదవిహారిని పెండ్లాడినది
నాతి

అ రఘురాముడె యాదివిష్ణువని
ఆరసి కళవళమందె మందోదరి
ఆ రావణుడది పరికింపడుగా
ధారుణి కూలెడు తరుణము దాక
నాతి


వ్యాఖ్యలు లేవు:

వ్యాఖ్యను పోస్ట్ చెయ్యండి

కం. పలుకుడు పలికెడు నెడలను
పలుకుల విలువలకు మురిసి పలికెడు కళలో
నిల గడుగడు నిపుణులు తగ
పలికెడు తెఱగిటుల ననుచు పలుకగ విబుధుల్

(తెలుగులో వ్రాయటానికి అవసరమైతే లేఖిని సహాయం తీసుకోండి. Windows వాడేవారు ప్రముఖ్ IME డౌన్ లోడ్ చేసుకోవచ్చును )

గమనిక: అమోదించబడిన వ్యాఖ్యలు మాత్రమే ప్రచురించబడతాయి.