30, సెప్టెంబర్ 2016, శుక్రవారం

కొండమీది గుడిలోని గోవిందుడే



కొండమీది గుడిలోని గోవిందుడే నా
గుండెయనే గుడిలోని గోవిందుడు

వేదాంతులు బ్రహ్మమని పిలుచు గోవిందుడు
వేదవిదులు విష్ణువని పిలుచు గోవిందుడు
నాదోపాసకులకు గానంబు గోవిందుడు
నా దేవుడు రాముడైనాడు గోవిందుడు
కొండ

వేనవేల పేరులతో వెలుగు గోవిందుడు
ధ్యానించగ కర్మబంధ మణచు గోవిందుడు
జ్ఞానులకు గమ్యతత్త్వమైన గోవిందుడు
మానితముగ నాకు రాముడైన గోవిందుడు
కొండ

శక్తిహీనులను బ్రోచు శక్తి గోవిందుడు
భక్తజనులనంటి యుండువాడు గోవిందుడు
యుక్తమైన కోర్కెలెల్ల నొసగు గోవిందుడు
ముక్తిప్రదుడు శ్రీరామమూర్తి గోవిందుడు
కొండ




వ్యాఖ్యలు లేవు:

వ్యాఖ్యను పోస్ట్ చెయ్యండి

కం. పలుకుడు పలికెడు నెడలను
పలుకుల విలువలకు మురిసి పలికెడు కళలో
నిల గడుగడు నిపుణులు తగ
పలికెడు తెఱగిటుల ననుచు పలుకగ విబుధుల్

(తెలుగులో వ్రాయటానికి అవసరమైతే లేఖిని సహాయం తీసుకోండి. Windows వాడేవారు ప్రముఖ్ IME డౌన్ లోడ్ చేసుకోవచ్చును )

గమనిక: అమోదించబడిన వ్యాఖ్యలు మాత్రమే ప్రచురించబడతాయి.