25, సెప్టెంబర్ 2016, ఆదివారం

మానరాని ప్రయాణము



మంచిరోజు చూడకయే మనిషిచేయు ప్రయాణము
మంచిచెడుల నెంచరాని మానరాని ప్రయాణము

పాపాత్ముడు పుణ్యాత్ముడు పండితోత్తముడు శుంఠ
శాపోపహతు డదృష్టజాతకుడు విరాగి
కోపదారి శాంతమతి గుణవంతుడు ప్రతివాడు
నీ పయనము చేయుటకే యిచట వేచియుండును
మంచిరోజు

పనిగొని తా మంచిచెడుగులను చూచి జనించడు
మనసారగ పంచాంగము కనుగొని మరణించడు
మనుజులకు రాకపోకలను కాలము గణించును
కనుక వచ్చిపడిననవాడు కదల వేచియుండును
మంచిరోజు

ఈరాకలుపోక లింక నెందుకని యెంచువాడు
పోరాడిన ఫలములేదు పొగిలినను ఫలములేదు
దారివేరొండు లేమి యారసి చిత్తంబున
శ్రీరామునిపాదములను చింతించవలె నింక
మంచిరోజు




వ్యాఖ్యలు లేవు:

వ్యాఖ్యను పోస్ట్ చెయ్యండి

కం. పలుకుడు పలికెడు నెడలను
పలుకుల విలువలకు మురిసి పలికెడు కళలో
నిల గడుగడు నిపుణులు తగ
పలికెడు తెఱగిటుల ననుచు పలుకగ విబుధుల్

(తెలుగులో వ్రాయటానికి అవసరమైతే లేఖిని సహాయం తీసుకోండి. Windows వాడేవారు ప్రముఖ్ IME డౌన్ లోడ్ చేసుకోవచ్చును )

గమనిక: అమోదించబడిన వ్యాఖ్యలు మాత్రమే ప్రచురించబడతాయి.