19, సెప్టెంబర్ 2016, సోమవారం

ఎన్నెన్నో చిలకలు



ఎన్నెన్నో రామచిలుక లెగురుతున్నాయి
అన్నికొమ్మల మీద నాడుతున్నాయి

పొట్టితోకల చిలుకలు పొడుగుతోకల చిలుకలు
గట్టిముక్కుల చిలుకలు గడుసుగెంతుల చిలుకలు
చెట్టుచెట్టున పండ్లన్నీ చిటుకున మెక్కే చిలుకలు
ఇట్టేయిట్టె కొమ్మకొమ్మకు నెగిరే రామచిలుకలు
ఎన్నెన్నో

ఎన్నిమొక్కిన తనివితీరని యెన్నో రామచిలుకలు
అన్నికాయలు నేలకుదులిపే యెన్నో తుంటరి చిలుకలు
ఉన్నట్లుండి తోటను వదలి యూరికిపోయే చిలుకలు
అన్నప్రాప్తికి తోటకు చేరి యాబగ మెక్కే చిలుకలు
ఎన్నెన్నో

రాముని పెంపుడు చిలుకలు వసుధారామములోని చిలుకలు
కామితమైన కర్మఫలంబుల గోముగ మెక్కే చిలుకలు
రామనామము పలుకుచు తిరుగును ప్రేమగ కొన్ని చిలుకలు
క్షేమముగా శ్రీరామపాదముల చేరును కొన్ని చిలుకలు
ఎన్నెన్నో




వ్యాఖ్యలు లేవు:

వ్యాఖ్యను పోస్ట్ చెయ్యండి

కం. పలుకుడు పలికెడు నెడలను
పలుకుల విలువలకు మురిసి పలికెడు కళలో
నిల గడుగడు నిపుణులు తగ
పలికెడు తెఱగిటుల ననుచు పలుకగ విబుధుల్

(తెలుగులో వ్రాయటానికి అవసరమైతే లేఖిని సహాయం తీసుకోండి. Windows వాడేవారు ప్రముఖ్ IME డౌన్ లోడ్ చేసుకోవచ్చును )

గమనిక: అమోదించబడిన వ్యాఖ్యలు మాత్రమే ప్రచురించబడతాయి.