12, సెప్టెంబర్ 2016, సోమవారం

తలపులు నీ నామముపై నిలవనీ రామా



తలపులు నీతత్త్వముపై నిలువనీ రామా
పలుకులు నీనామముపై నిలువనీ రామా

పలుగాకి పనులతో పవలు గడువకుండ
ఇలలోని సంగతులే కలల నిండకుండ
మెలకువలో కలలలో మెదలనీ తలనిండ
తులలేని నీ నామము తొలగనీ భవము
ఇదియే

వట్టివి ఇహసుఖములు వట్టివి పరసుఖములు
గట్టివి నీ దివ్యనామగానమహాసుఖములు
పట్టి నీవు ప్రోవ నే పరవశించి యుండుటలు
ఇట్టె ఇట్టె గడిచెనుగా ఎన్నెన్నో భవములు
ఇదియే

ధారుణిపై నుండుటలు దబ్బర జీవితములు
కోరుదునా నేను నిన్ను చేరి యుంట గాక
ఊరక నీవానిగా నుంచుటయే కాదు
శ్రీరామ లీనమే చేసికొనుము నన్నింక
ఇదియే


వ్యాఖ్యలు లేవు:

వ్యాఖ్యను పోస్ట్ చెయ్యండి

కం. పలుకుడు పలికెడు నెడలను
పలుకుల విలువలకు మురిసి పలికెడు కళలో
నిల గడుగడు నిపుణులు తగ
పలికెడు తెఱగిటుల ననుచు పలుకగ విబుధుల్

(తెలుగులో వ్రాయటానికి అవసరమైతే లేఖిని సహాయం తీసుకోండి. Windows వాడేవారు ప్రముఖ్ IME డౌన్ లోడ్ చేసుకోవచ్చును )

గమనిక: అమోదించబడిన వ్యాఖ్యలు మాత్రమే ప్రచురించబడతాయి.