10, సెప్టెంబర్ 2016, శనివారం

హరి ప్రియమనగా నన్యంబనగా



హరి ప్రియమనగా నన్యంబనగా
నరయగ వర్తన మిరుభంగులయా

వినయము వెలుగగ పెద్దల సుజనుల
ననయము గొలచుట పనిగా తిరుగుట
తనభోగమునకు ధనసంపాదన
మునకై నిరతము భూమిని తిరుగుట
హరి

హరిచరితములను హరిభక్తుల ఘన
చరితములను విని సంతోషించుట
బిరుదుల పదవుల తరుణుల వెదకుట
సరియగు విధమని సంతోషించుట
హరి

ధీరత మీఱగ శ్రీరఘురాముని
తారకనామము దాల్చియుండుట
మారజనకుని మాటయె తలపక
మారుని మదిలో దాల్చియుండుట
హరి


వ్యాఖ్యలు లేవు:

వ్యాఖ్యను పోస్ట్ చెయ్యండి

కం. పలుకుడు పలికెడు నెడలను
పలుకుల విలువలకు మురిసి పలికెడు కళలో
నిల గడుగడు నిపుణులు తగ
పలికెడు తెఱగిటుల ననుచు పలుకగ విబుధుల్

(తెలుగులో వ్రాయటానికి అవసరమైతే లేఖిని సహాయం తీసుకోండి. Windows వాడేవారు ప్రముఖ్ IME డౌన్ లోడ్ చేసుకోవచ్చును )

గమనిక: అమోదించబడిన వ్యాఖ్యలు మాత్రమే ప్రచురించబడతాయి.