21, ఆగస్టు 2016, ఆదివారం

మెలకువ రాగానే పలకరింతు రాముని ...




మెలకువ రాగానే పలకరింతు రాముని
పులకరించి పలకరింతు జలధరసుశ్యాముని


నా రాముని దయవలన నాకు గలిగె నీ‌ తనువు
నా రాముని సేవలోన నడచి పోవు నా బ్రతుకు
నా రాముని తలపులే నా కన్నము పానము
నా రాముని పొగడుటయే నాకు సంతోషము
మెలకువ

నా రాముడు లేని చోటు నా కగుపడకుండు
నా రాముడు పవలురేలు నన్ను కాచియుండు
నా రాముడు నిదురనైన నన్ను వదలకుండు
నా రాముడు కలల నన్ను చేరి యాడుచుండు
మెలకువ

నా రాముని పాటలతో నాకు ప్రొద్దుపోవును
నా రాముని యనుజ్ఞతో నాకు నిదురకల్గును
నా రాముని నామముతో నాపెదవులు కదలును
నా రాముని పొగడుకొనగ నాకు తెల్లవారును
మెలకువ






వ్యాఖ్యలు లేవు:

వ్యాఖ్యను పోస్ట్ చెయ్యండి

కం. పలుకుడు పలికెడు నెడలను
పలుకుల విలువలకు మురిసి పలికెడు కళలో
నిల గడుగడు నిపుణులు తగ
పలికెడు తెఱగిటుల ననుచు పలుకగ విబుధుల్

(తెలుగులో వ్రాయటానికి అవసరమైతే లేఖిని సహాయం తీసుకోండి. Windows వాడేవారు ప్రముఖ్ IME డౌన్ లోడ్ చేసుకోవచ్చును )

గమనిక: అమోదించబడిన వ్యాఖ్యలు మాత్రమే ప్రచురించబడతాయి.