20, జులై 2016, బుధవారం

శ్రీరాము డున్నాడు చింత యేల

     


రామకృపాస్తోత్రం



సీ. పరమకృపాళువై పాపంబులను బాప
        శ్రీరాము డున్నాడు చింత యేల

దయను సముద్రుడై తాపంబులను దీర్చ
        శ్రీరాము డున్నాడు చింత యేల

కరుణాంతరంగుడై కష్టంబులను దీర్చ
        శ్రీరాము డున్నాడు చింత యేల

కనికరించి తలను కాచి రక్షించగా
        శ్రీరాము డున్నాడు చింత యేల


తే. కలిమి శ్రీరామకృప చేత కలుగుచుండు
లేమి శ్రీరామకృప చేత లేకయుండు
జయము శ్రీరామకృప చేత జరుగు చుండు
బ్రతుకు శ్రీరామకృప చేత పండుచుండు


ఆ.వె. శరణు శరణు రామ పరమకృపాధామ
శరణు శరణు రామ సార్వభౌమ
శరణు శరణు రామ పరమపావననామ
శరణు శరణు ధరణిజా సమేత


కం. ఈ‌ రామకృపాస్తోత్రము
తీరుగ జపియించ రామదేవుని కృపచే
ధారాళమగును సౌఖ్యము
శ్రీరాముని యందు భక్తి చేకూరు హృదిన్



6 వ్యాఖ్యలు:

  1. 'బ్రతుకు శ్రీరామ కృప చేత పండు చుండు'నూటికి నూరు పాళ్ళు నిజం చెప్పారు, ధన్యవాదాలు

    ప్రత్యుత్తరంతొలగించు
  2. శ్రీరామ స్తోత్రం బాగుంది, 'దయా సముద్రుఁడై' ....దగ్గర గణాలను సవరించండి.

    ప్రత్యుత్తరంతొలగించు
    ప్రత్యుత్తరాలు
    1. ధన్యవాదాలండి. సరిచేసాను 'దయను సముద్రుడై' అని

      తొలగించు
  3. Sir the poems are like nectar in simple language. The above poems I liked immensely.

    ప్రత్యుత్తరంతొలగించు
    ప్రత్యుత్తరాలు
    1. ఈ స్తోత్రం పద్యాలు మీకు నచ్చినందుకు ధన్యవాదాలు. ఇది వ్రాయటంలో ముఖ్యంగా మూడు ఉద్దేశాలు. 1. సులభమైన భాష, శైలి, భావం. 2. ఎక్కువ పొడుగ్గా ఉండకపోవటం ద్వారా ఒక నిముషంలో చదువుకొనేలా ఉండటం. 3. భక్తి కలవారికి మరింత అనురక్తి కలిగేలా ఉండటం.

      తొలగించు
  4. సరళమైన పదజాలంతో ఆబాలగోపాలముకు అర్థమయ్యేటట్లు వ్రాశారు.

    "పాహి రామప్రభో" పద్యాలు లోని భావం మధురం, తత్త్వప్రధానం, సారమయం, భక్తిమయం. ధన్యులం సర్.

    ప్రత్యుత్తరంతొలగించు

కం. పలుకుడు పలికెడు నెడలను
పలుకుల విలువలకు మురిసి పలికెడు కళలో
నిల గడుగడు నిపుణులు తగ
పలికెడు తెఱగిటుల ననుచు పలుకగ విబుధుల్

(తెలుగులో వ్రాయటానికి అవసరమైతే లేఖిని సహాయం తీసుకోండి. Windows వాడేవారు ప్రముఖ్ IME డౌన్ లోడ్ చేసుకోవచ్చును )

గమనిక: అమోదించబడిన వ్యాఖ్యలు మాత్రమే ప్రచురించబడతాయి.