4, ఏప్రిల్ 2016, సోమవారం

జీవుడు మాయలోన చివురించెనా ?









జీవుడు మాయలోన చివురించెనా సం
భావింప వీని యందే ప్రభవించెనా మాయ


ఏది సత్యమో గాని యీ మాయ జీవుని బట్టి
కామాది రజ్జువుల గట్టుచున్న దయ్య
యే మెఱుగని వీని నింతింత యనరాని
వ్యామోహముల ద్రిప్పి బడలించు నీశ్వర 
ఈశ్వర

మాయలోన జీవుడాయె మాయకన్య మెఱుగ డాయె
వేయి జన్మ లెత్తె గాని విడువకుండ వెంటనంటి
కాయమనే తిత్తినిండ కమ్మియున్న గడుసుమాయ
మాయమాయే తీరు దెలిపి మన్నించు మీశ్వర
ఈశ్వర

ఆ యద్ద మట్టి ప్రకృతి యందు నీ కనాదిపురుష
మాయ ప్రతిబింబోపాధిమాత్ర మని విందుమయ్య
నీ యధీనమైన మాయ నెగడించు సృష్టిలోని
మాయదారి జీవులకు మంచి చేయు మీశ్వర
ఈశ్వర






వ్యాఖ్యలు లేవు:

వ్యాఖ్యను పోస్ట్ చెయ్యండి

కం. పలుకుడు పలికెడు నెడలను
పలుకుల విలువలకు మురిసి పలికెడు కళలో
నిల గడుగడు నిపుణులు తగ
పలికెడు తెఱగిటుల ననుచు పలుకగ విబుధుల్

(తెలుగులో వ్రాయటానికి అవసరమైతే లేఖిని సహాయం తీసుకోండి. Windows వాడేవారు ప్రముఖ్ IME డౌన్ లోడ్ చేసుకోవచ్చును )

గమనిక: అమోదించబడిన వ్యాఖ్యలు మాత్రమే ప్రచురించబడతాయి.