11, ఏప్రిల్ 2016, సోమవారం

తిన్నగా వాడె పో నిన్నెఱుగు నీశ్వర






     తన్ను తా నెఱిగిన ధన్యాత్ము డెవ్వడో
తిన్నగా వాడె పో నిన్నెఱుగు రామ



ఎన్ని జన్మము లెత్తి యెంతలోకము జూచి
యున్న గాని మన్ను మిన్నుల మధ్యలో
నున్నవాడై జీవు డున్నవా డున్నట్లులె
యున్నాడయా ప్రకృతి నూయల లూగుచు
తన్ను  


ఎందుండి తా వచ్చె నెన్ని మారులు వచ్చె
నెందుల కిట నుండె నెందు బోవగ నుండె
నిందు తన్నుంచిన దెవరన్న జిజ్ఞాస
పొందిన జీవునకు పొటమరించు నెఱుక
తన్ను


క్రమముగా  ప్రకృతిని గడచు నా జీవుడు
క్రమముగా తన్నెఱుగ గలుగు నా జీవుడు
క్రమముగా నిన్నెఱుగ గలుగు నా జీవుడు
క్రమముగా నీలోన గలయు నా జీవుడు
తన్ను