19, జనవరి 2016, మంగళవారం

శ్రీరామ మదనకము.






        మదనకము.
        చిరుచిరు నగవులతో
        కరుణను కురియవయా
        నిరుపమశుభనిలయా
        వరదశరథతనయా




మదనకము.

ఈ మదనక వృత్తానికి గణవిభజన న-న-స .  గురులఘుక్రమం III III IIU అవుతున్నది.అంటే పాదానికి కల తొమ్మిది అక్షరాలలో ఎనిమిది లఘువుల తరువాత ఒక గురువు అన్నమాట. పాదం నిడివి తొమ్మిది అక్షరాలే కాబట్టి యతిమైత్రి అక్కరలేదు. ప్రాసనియమం తప్పదు.

ఈ మదనక వృత్తానికే కమలావృత్తము,  లఘుమణిగణనికరము అన్నపేర్లు కూడా ఉన్నాయి.

ఈ మదనక వృత్తంలో చివరన ఉన్న స-గణాన్ని తీసివేసి అక్కడ మ-గణం ఉంచితే అది భుజగశిశురుతము (భుజగశీశుభృతము) అన్న వృత్తంగా మారుతుంది.

పూర్వకవి ప్రయోగాలు తెలియవు.

3 వ్యాఖ్యలు:

  1. తనుమధ్య చెప్పినట్టులేదండి. మదరేఖ చెప్పండి. చెప్పిన పద్యం బాగుంది.

    ప్రత్యుత్తరంతొలగించు
    ప్రత్యుత్తరాలు
    1. తనుమధ్య ఇప్పుడే వచ్చిందండీ. దానితో ఈరోజున రాములవారికి పద్యత్రయం చెప్పినట్లైనది. అంబుజ, మదనక, తనుమధ్యల రూపంలో

      తొలగించు
  2. మదరేఖ కూడా వచ్చేసిందండీ. మీదే ఆలస్యం.

    ప్రత్యుత్తరంతొలగించు

కం. పలుకుడు పలికెడు నెడలను
పలుకుల విలువలకు మురిసి పలికెడు కళలో
నిల గడుగడు నిపుణులు తగ
పలికెడు తెఱగిటుల ననుచు పలుకగ విబుధుల్

(తెలుగులో వ్రాయటానికి అవసరమైతే లేఖిని సహాయం తీసుకోండి. Windows వాడేవారు ప్రముఖ్ IME డౌన్ లోడ్ చేసుకోవచ్చును )

గమనిక: అమోదించబడిన వ్యాఖ్యలు మాత్రమే ప్రచురించబడతాయి.