28, డిసెంబర్ 2015, సోమవారం

నూఱుమారులు పుట్టెరా వాడు నూఱుమారులు చచ్చెరా






నూఱుమారులు పుట్టెరా వాడు నూఱుమారులు చచ్చెరా
తీరు మారలేదురా వాడు శ్రీరామ యనలేదురా




ఎన్ని విద్యలు నేర్చినా వాడెన్ని సిరులు గడించినా
ఎన్ని దేశము లేగినా వాడెన్ని బిరుదులు పొందినా
వెన్నుదన్నుగ  సిరులు బిరుదులు వెంబడించ నేర్చునా
ఎన్నడును శ్రీరామచంద్రుని యెఱుగడాయె శివశివా          
నూఱు



తిరిగిరా నవుసరములేని దివ్యమైన మార్గమున్నది
తరచుగా శ్రీరామచంద్రుని తలచువారికి దొరకుచున్నది
ఉరక నటునిటు తిరుగవద్దని గురువులెంత చెప్పిచూచిన
సరకుచేయడు రామచంద్రుని సత్యమెఱుగడు శివశివా     
నూఱు



దిక్కులేని వాని నీవే తిన్నగా కాశికి తెచ్చి
రెక్కలల్లార్చి హంస లేచిపోవు నపుడు చెవిలో
చక్కగా తారకమంత్ర మొక్కసారి చెప్పవయ్యా
అక్కజముగా పరమపదమున కఱుగు వాడిక  శివశివా
నూఱ





మే 2014.



వ్యాఖ్యలు లేవు:

వ్యాఖ్యను పోస్ట్ చెయ్యండి

కం. పలుకుడు పలికెడు నెడలను
పలుకుల విలువలకు మురిసి పలికెడు కళలో
నిల గడుగడు నిపుణులు తగ
పలికెడు తెఱగిటుల ననుచు పలుకగ విబుధుల్

(తెలుగులో వ్రాయటానికి అవసరమైతే లేఖిని సహాయం తీసుకోండి. Windows వాడేవారు ప్రముఖ్ IME డౌన్ లోడ్ చేసుకోవచ్చును )

గమనిక: అమోదించబడిన వ్యాఖ్యలు మాత్రమే ప్రచురించబడతాయి.