12, ఆగస్టు 2015, బుధవారం

తన రాకపోకలు తా నెఱుగడు








తన రాకపోకలు తా నెఱుగడు
తన కర్మఫలములు తా నెఱుగడు



తనను నడపు శక్తి తా నొక టున్నదని
తన బుధ్ధి నెన్నడు తలపోయడు
తనచుట్టు బలవత్తరమైన ప్రకృతి
తనకు పరిమితి యని తా నెఱుగడు
తన రాక

హృదయస్థుడై యున్న యీశ్వరు నెఱుగడు
సదయుడు వాడని మది నెఱుగడు
వదలక వేదాంతవిదుల సేవింపడు
తుదకు తనగతి యేమొ యది యెఱుగడు
తన రాక

అటులయ్యు హరికృప  యెటునుండి వచ్చునో
మటుమాయ మగు లెల్ల మాయావరోధము
చటుకున శ్రీరామచంద్రుని పైభక్తి
పొటమరించును బుధ్ధిపుట్టి తరించును
తన రాక











వ్యాఖ్యలు లేవు:

వ్యాఖ్యను పోస్ట్ చెయ్యండి

కం. పలుకుడు పలికెడు నెడలను
పలుకుల విలువలకు మురిసి పలికెడు కళలో
నిల గడుగడు నిపుణులు తగ
పలికెడు తెఱగిటుల ననుచు పలుకగ విబుధుల్

(తెలుగులో వ్రాయటానికి అవసరమైతే లేఖిని సహాయం తీసుకోండి. Windows వాడేవారు ప్రముఖ్ IME డౌన్ లోడ్ చేసుకోవచ్చును )

గమనిక: అమోదించబడిన వ్యాఖ్యలు మాత్రమే ప్రచురించబడతాయి.