18, ఆగస్టు 2015, మంగళవారం

నేలపై పుట్టినందు కేల విచారము








నేలపై పుట్టినందు కేల విచారము
మేలైన రామభక్తి మెత్తె పుణ్యము



శ్రీరామ శ్రీరామ శ్రీరామ యని మన
సార గడపుకొన్న జన్మ లెన్నింట 
సారెకు నేను ప్రియము మీర పాడితి గాన
జారక నిలచితిని చక్కని భక్తి
నేలపై

వెలివిద్య లేల నేర్వ విలువైన రామవిద్య
తలలోన నాటుకొన్న తరువాతను
కలి యంటుకొనబోదు  కలుషమెల్ల వీగు
వెలలేని రామవిద్య వెలసియున్నను
నేలపై

కాలాంతరమున మోక్షగామిని కానుంటిని
ఈ లోన తన సేవ నిచ్చి ప్రేమతో
నీలమేఘశ్యాము డేలెడు జన్మములు
మేలే వేలైన గాని యేల దుఃఖము
నేలపై







వ్యాఖ్యలు లేవు:

వ్యాఖ్యను పోస్ట్ చెయ్యండి

కం. పలుకుడు పలికెడు నెడలను
పలుకుల విలువలకు మురిసి పలికెడు కళలో
నిల గడుగడు నిపుణులు తగ
పలికెడు తెఱగిటుల ననుచు పలుకగ విబుధుల్

(తెలుగులో వ్రాయటానికి అవసరమైతే లేఖిని సహాయం తీసుకోండి. Windows వాడేవారు ప్రముఖ్ IME డౌన్ లోడ్ చేసుకోవచ్చును )

గమనిక: అమోదించబడిన వ్యాఖ్యలు మాత్రమే ప్రచురించబడతాయి.