16, జులై 2015, గురువారం

విడువక నాతో నిలచితివి నే పాడినవి విని మెచ్చితివి





విడువక నాతో నిలచితివి నే
పాడినవి విని మెచ్చితివి నా
కేడుగడవు నీ కేమిత్తునయా నీ
వేడుక తీరగ పాడుట గాక

తడవకు తప్పులు వెదికే జగమును
విడిచి నీ మరువును సొచ్చితిని
గడబిడ పడు నా మనసున నీవే
వడివడి శాంతము నింపితివి 

గడచిన బ్రతుకుల కలిగిన స్నేహము
విడువని నిన్నేమని పొగడుదును
నడువనిమ్ము నీ యడుగుల నడుగిడి
ఇడిముడియా ఈ నీ నా ప్రేముడి

బడుగు వీ డని తలపవు రామా
కుడిపెద వోహో కరుణామృతము
కడలి కంటె గంభీరము నీ హృది
బడలనీక నను పాలించెదవు








వ్యాఖ్యలు లేవు:

వ్యాఖ్యను పోస్ట్ చెయ్యండి

కం. పలుకుడు పలికెడు నెడలను
పలుకుల విలువలకు మురిసి పలికెడు కళలో
నిల గడుగడు నిపుణులు తగ
పలికెడు తెఱగిటుల ననుచు పలుకగ విబుధుల్

(తెలుగులో వ్రాయటానికి అవసరమైతే లేఖిని సహాయం తీసుకోండి. Windows వాడేవారు ప్రముఖ్ IME డౌన్ లోడ్ చేసుకోవచ్చును )

గమనిక: అమోదించబడిన వ్యాఖ్యలు మాత్రమే ప్రచురించబడతాయి.