కర్మసాక్షులు నీదు కన్నులు

	కర్మసాక్షులు నీదు కన్నులు రామ ధర్ముడు నీ బంటు దశరథరామ
	జగమెల్ల నీయాన జరుగుచుండగను తగని యాపద నన్ను దాకునా రామ అగణితమహిమ నీ యండనుండంగ పగలైన రేయైన తెగకుండు రక్ష	కర్మ
	జగమెల్ల నీ భక్తజనుల నిండగను తగని భయములు నన్ను దాకునా రామ నిగమాంతసంవేద్య నీ నామమహిమ పొగడెడు నాకు నీ పోడిమి రక్ష	కర్మ
	జగమెల్ల నీ బంట్ల జయగాథ లెగయ తగని వగపులు నాకు తగులునా రామ యుగయుగంబుల మన కున్నట్టి బంధమే యగు చుండు తులలేని దైనట్టి రక్ష	కర్మ