28, మార్చి 2015, శనివారం

బొమ్మనురా నే బొమ్మనురా నీ బొమ్మలలో ఒక బొమ్మనురా







బొమ్మనురా నే బొమ్మనురా నీ బొమ్మలలో ఒక బొమ్మనురా బహు
కమ్మనైన పాటలు పాడే బొమ్మనురా నీ బొమ్మనురా


మాయదారి ఆటల వాడ మనసు నీకు సేదదీర
వాయాడించుచు నీకై పాడే చక్కని బొమ్మనురా
తీయనైన మాటలనే తేనెలూరు బొమ్మనురా
హాయిగొలుపు పాటలతో అలరించే బొమ్మనురా
బొమ్మనురా

వింతవింత రూపులు దిద్ది వేయించేవు వేషాలు
పంతగించి యాడించేవు పలుకులెన్నొ పలికించేవు
తంతు నీవు నడిపేదైనా కొంత పేరు దీనికి గలుగు
సంతసమున నిన్నే పొగడే చక్కనైన బొమ్మనురా
బొమ్మనురా

ఈ యాటపాటలు నీకు హితవైన నంతియ చాలు
వేయేల నీ ముచ్చటకే వేసాలు బాసలన్ని
మాయగాడ నీవు కూడ మాతోకలిసి యాడేవయ్య
నీయంత వాడెవడయ్య మా యయ్య రామయ్య
బొమ్మనురా







1 వ్యాఖ్య:

  1. బొమ్మలాట నిజమన్న స్పృహ నిలబదటం లేదండీ, మళ్ళీ మాయలో పడిపోతున్నాం.

    ప్రత్యుత్తరంతొలగించు

కం. పలుకుడు పలికెడు నెడలను
పలుకుల విలువలకు మురిసి పలికెడు కళలో
నిల గడుగడు నిపుణులు తగ
పలికెడు తెఱగిటుల ననుచు పలుకగ విబుధుల్

(తెలుగులో వ్రాయటానికి అవసరమైతే లేఖిని సహాయం తీసుకోండి. Windows వాడేవారు ప్రముఖ్ IME డౌన్ లోడ్ చేసుకోవచ్చును )

గమనిక: అమోదించబడిన వ్యాఖ్యలు మాత్రమే ప్రచురించబడతాయి.