26, మార్చి 2015, గురువారం

ఎన్నెన్నో బొమ్మలు ఎంతో మంచి బొమ్మలు







ఎన్నెన్నో బొమ్మలు ఎంతో మంచి బొమ్మలు
వన్నె చిన్నె లెన్ని చూడ వంక లేని బొమ్మలు


నీతులు వల్లించుటలో నేర్పుగల బొమ్మలు
ప్రీతిని కల్గించుటలో ఖ్యాతిగల బొమ్మలు
చేతివాటుతనపు బొమ్మలు
ఆతతాయి పనుల బొమ్మలు
ఎన్నెన్నో

ముచ్చటల తోనే కాలం ముంచెత్తే బొమ్మలు
పెచ్చుమీరి మిడిసిపడే పెత్తనాల బొమ్మలు
వచ్చేపోయే బుధ్ధుల బొమ్మలు
ముచ్చటైన గద్దఱి బొమ్మలు
ఎన్నెన్నో

రామచంద్రు డాడుకొనే రమ్యమైన బొమ్మలు
ఏమేమో ఆటల పాటల ఇంపైన బొమ్మలు
ఎూమికి దిగివచ్చే బొమ్మలు
భూమినుండి ఎగిరే బొమ్మలు
ఎన్నెన్నో







2 వ్యాఖ్యలు:


  1. బొమ్మ లాట బాగుందండీ !!

    జిలేబి

    ప్రత్యుత్తరంతొలగించు
    ప్రత్యుత్తరాలు
    1. అన్ని బొమ్మల మధ్య నమరెడు నా బొమ్మ
      కొన్ని కొన్ని పాటలుపాడె చిన్నపాటి బొమ్మ
      .........

      తొలగించు

కం. పలుకుడు పలికెడు నెడలను
పలుకుల విలువలకు మురిసి పలికెడు కళలో
నిల గడుగడు నిపుణులు తగ
పలికెడు తెఱగిటుల ననుచు పలుకగ విబుధుల్

(తెలుగులో వ్రాయటానికి అవసరమైతే లేఖిని సహాయం తీసుకోండి. Windows వాడేవారు ప్రముఖ్ IME డౌన్ లోడ్ చేసుకోవచ్చును )

గమనిక: అమోదించబడిన వ్యాఖ్యలు మాత్రమే ప్రచురించబడతాయి.