20, నవంబర్ 2014, గురువారం

వివేచన - 32. దారిజూప నుఱక తహతహలాడెద వీశ్వరా





పండుగో పబ్బమో వచ్చినప్పుడు మాత్ర
మొక్క మా రెట్టులో మ్రొక్కువారు

తల్లివై తండ్రివై దాతవై నేతవై
యుండు నిన్నే మరచి యుండువారు

కొంగ్రొత్తమతముల క్రొత్తబోధనలతో
క్రొత్తదేవుళ్ళను కొలుచు వారు

అందరకన్నను నాప్తుండ వగు నిన్ను
తిట్టుచు నిత్యంబు తిరుగువారు

నిండి యుండిరయ్య నేడు లోకంబున
వారిపట్ల జాలిబరపి నీవు
దారిజూప నుఱక తహతహలాడెద
వీశ్వరా మహాత్మ యివియె నుతులు






వ్యాఖ్యలు లేవు:

వ్యాఖ్యను పోస్ట్ చెయ్యండి

కం. పలుకుడు పలికెడు నెడలను
పలుకుల విలువలకు మురిసి పలికెడు కళలో
నిల గడుగడు నిపుణులు తగ
పలికెడు తెఱగిటుల ననుచు పలుకగ విబుధుల్

(తెలుగులో వ్రాయటానికి అవసరమైతే లేఖిని సహాయం తీసుకోండి. Windows వాడేవారు ప్రముఖ్ IME డౌన్ లోడ్ చేసుకోవచ్చును )

గమనిక: అమోదించబడిన వ్యాఖ్యలు మాత్రమే ప్రచురించబడతాయి.