17, నవంబర్ 2014, సోమవారం

ఎఱుక గల్గిన యీక్షణ మేను నీది






ఇపుడు చక్కగ నున్న యింద్రియంబుల సత్త్వ
మెన్నాళ్ళు నిలచునో యెవరి కెఱుక

తనదంచు మురిపాన దాల్చి తిరుగెడు దేహ
మెన్నాళ్ళు నిలచునో యెవరి కెఱుక

లోకంబు తనకిచ్చు నీ కొద్ది మరియాద
యెన్నాళ్ళు నిలుచునో యెవరి కెఱుక

ఈశ్వరార్పితమైన యీ బుధ్ధి చక్కగా
యెన్నాళ్ళు నిలుచునో యెవరి కెఱుక

నీది నీదన నిజముగా నేది యుండె
నెఱుక గల్గిన యీక్షణ మేను నీది
యిదియె పదిలంబుగా బట్టి యీశ్వరునకు
పాదపూజల వెచ్చించ వలయునయ్య