15, నవంబర్ 2014, శనివారం

ప్రేమమీఱ పిలుచుకొందును







పిలచెదనో నిన్ను ప్రియసఖుండ వటంచు
తలచి నిత్యంబు సంతస మెసంగ

పిలచెదనో నిన్ను విశ్వపతి వటంచు
వినయంబు భయమును పెనగుచుండ

పిలచెదనో నిన్ను విశ్వాత్ముడ వటంచు
నాత్మలో సద్భక్తి యతిశయింప

పిలచెదనో నిన్ను వేదవేద్యుడవంచు
అరిది వివేకోదయంబు నిగుడ

పిలుపుపులుపున నాదైన ప్రేమమీఱ
పిలుచుకొందును నీవు నా తలపులందు
నిలచియుండిన చాలు నే‌ యలుపుసొలుపు
కలుగ నేర్చునె సుంతయు కలనుగూడ