12, నవంబర్ 2014, బుధవారం

వివేచన - 20. గుండెనే గుడి చేసుకొంటి వీవు






శైశవంబున వచ్చి చక్కగా నా చిట్టి
గుండెనే గుడి చేసుకొంటి వీవు

నాట గోలె నీకు నా యనుభూతుల
వినుటయే పూజల గొనుట యనగ

జరుగుచున్నది యెంత కరుణామయుండవు
జన్మజన్మలనుండి సఖుడ వగుచు

నడిపించు చున్నావు నన్ను నీ‌ త్రోవలో
మాయదారుల వెంట మసల నీక

ఎన్నడో యొక్క నాటికి నిన్ను జేర
గల నటంచును భరియింతు గాని నాకు
బాల్యములు యౌవనంబులు వార్థకములు
మరలమరల వినోదించ మనసులేదు







వ్యాఖ్యలు లేవు:

వ్యాఖ్యను పోస్ట్ చెయ్యండి

కం. పలుకుడు పలికెడు నెడలను
పలుకుల విలువలకు మురిసి పలికెడు కళలో
నిల గడుగడు నిపుణులు తగ
పలికెడు తెఱగిటుల ననుచు పలుకగ విబుధుల్

(తెలుగులో వ్రాయటానికి అవసరమైతే లేఖిని సహాయం తీసుకోండి. Windows వాడేవారు ప్రముఖ్ IME డౌన్ లోడ్ చేసుకోవచ్చును )

గమనిక: అమోదించబడిన వ్యాఖ్యలు మాత్రమే ప్రచురించబడతాయి.