4, నవంబర్ 2014, మంగళవారం

వాదములకు జొచ్చి వీదినిబడ నేల






దేవుడే లేడని భావించు చుండెడి
వారితో వాదించి ఫలిత మేమి

మా దేవుడే గొప్ప మీ దేవుడే యల్పు
డను వారి తోడ వాదనలు సబబె

దేవు డుండును మాను తెలియ నేమిటి కను
ప్రజ్ఞానిధులతోడ పంతమేల

దేవుని సంగతి తెలియరు మా కన్యు
లను వారి జోలికి జనగ నేల

నీకు భక్తి యున్న నీ శక్తి మేరకు
కొలుచుకొనుము లోన తలచుకొనుము
వాదములకు జొచ్చి వీదినిబడ నేల
భక్తి చెడగ దాన ముక్తి చెడగ