3, నవంబర్ 2014, సోమవారం

వివేచన - 13 ఇంతకంటె విన్నవించలేను





నీ పైన నా ప్రేమ నా పైన నీ కృప
యను నవి నిత్యమై యలర నిమ్ము

నా యనురక్తియు నీ యనుమతమును
నొక్కటై నిత్యంబు నుండనిమ్ము

నీ వార లందరు నా వారలే నను
భావన సత్యమై పరగ నిమ్ము

నీ విచ్చు భాగ్యమే నే కోరు మోక్షమై
మన మధ్య నెడ మింక మాయ నిమ్ము

పరమపురుష నీకు భారమైన వరము
లడుగ లేదు గాన నాదరించి
చేరదీయవయ్య చేతులు జోడింతు
నింతకంటె విన్నవించలేను





వ్యాఖ్యలు లేవు:

వ్యాఖ్యను పోస్ట్ చెయ్యండి

కం. పలుకుడు పలికెడు నెడలను
పలుకుల విలువలకు మురిసి పలికెడు కళలో
నిల గడుగడు నిపుణులు తగ
పలికెడు తెఱగిటుల ననుచు పలుకగ విబుధుల్

(తెలుగులో వ్రాయటానికి అవసరమైతే లేఖిని సహాయం తీసుకోండి. Windows వాడేవారు ప్రముఖ్ IME డౌన్ లోడ్ చేసుకోవచ్చును )

గమనిక: అమోదించబడిన వ్యాఖ్యలు మాత్రమే ప్రచురించబడతాయి.