19, అక్టోబర్ 2014, ఆదివారం

వివేచన: 4. నినుగూర్చి నిజముగా నీ కేమి తెలియునో







నినుగూర్చి నిజముగా నీ కేమి తెలియునో
    ఈశ్వరు డొక్కడే యెఱుగు గాని

ఎన్నిజన్మము లెత్తి యున్నావొ యెఱుగుదే
    ఈశ్వరు డొక్కడే యెఱుగు గాని

సత్యమసత్యంబు చక్కగా నెఱుగుదే
    ఈశ్వరు డొక్కడే యెఱుగు గాని

ఎన్నడు మోక్షమో యేమైన నెఱుగుదే
    ఈశ్వరు డొక్కడే యెఱుగు గాని

ఇట్లు నీ వేమి యెఱుగక యెంత తడవు
భూమి నటునిటి గ్రుమ్మఱి యేమి ఫలము
నేను నేనను యహమిక మాని హరిని
చింతనము జేసి సద్గతి జెందరాదె






వ్యాఖ్యలు లేవు:

వ్యాఖ్యను పోస్ట్ చెయ్యండి

కం. పలుకుడు పలికెడు నెడలను
పలుకుల విలువలకు మురిసి పలికెడు కళలో
నిల గడుగడు నిపుణులు తగ
పలికెడు తెఱగిటుల ననుచు పలుకగ విబుధుల్

(తెలుగులో వ్రాయటానికి అవసరమైతే లేఖిని సహాయం తీసుకోండి. Windows వాడేవారు ప్రముఖ్ IME డౌన్ లోడ్ చేసుకోవచ్చును )

గమనిక: అమోదించబడిన వ్యాఖ్యలు మాత్రమే ప్రచురించబడతాయి.