18, అక్టోబర్ 2014, శనివారం

వివేచన: 3. కాలంబు గడువదే....








కాలంబు గడువదే కాంతామణుల తోడ
      రసికావతంసుడన్ రాణ మెఱయ

సమయంబు గడువదే శాస్త్రచర్చల తోడ
      సొంపారు శుభయశశ్శోభ మెఱయ

రోజులు గడువవే రూకల వేటలో
      ధనరేఖ గలదన్న ఘనత మెఱయ 

ఏండ్లెల్ల గడువవే యితరుల సేవలో
      కడు సమర్థుడటన్న ఖ్యాతి మెఱయ

ఇట్టి మెఱపులు సర్వమున్ వట్టి మెఱపు
లసలు మెఱపన్న హరిభక్తి యగును గాన
వట్టి మెఱపుల కలిమాయ బట్టి గెలిచి
హరిపదంబుల నుండిన తిరము ముక్తి










1 వ్యాఖ్య:

కం. పలుకుడు పలికెడు నెడలను
పలుకుల విలువలకు మురిసి పలికెడు కళలో
నిల గడుగడు నిపుణులు తగ
పలికెడు తెఱగిటుల ననుచు పలుకగ విబుధుల్

(తెలుగులో వ్రాయటానికి అవసరమైతే లేఖిని సహాయం తీసుకోండి. Windows వాడేవారు ప్రముఖ్ IME డౌన్ లోడ్ చేసుకోవచ్చును )

గమనిక: అమోదించబడిన వ్యాఖ్యలు మాత్రమే ప్రచురించబడతాయి.