23, జులై 2014, బుధవారం

కొంచెం నా సంగతి.


నేను మేథావిని కానే కాను కాబట్టి ఖచ్చితంగా బ్రతికిపోయాను
లేకుంటే ఏదో జెండానో ఎజెండానో మోస్తూ వ్యాసాలు వ్రాసే దుర్గతి పట్టేదేమో!

నేను గొప్పవాణ్ణి కాకపోబట్టి అదృష్టవంతుణ్ణని అర్థమైపోయింది
లేకుంటే ఎవరు నా బొమ్మ పెట్టేవారో ఎవరు దాన్ని కూలగొట్టేవారో!

నేను వారసులకు నోచుకోకపోవటమూ ఒక వరమే అయ్యింది
లేకుంటే వచ్చే తరాల్లో ఎవరెవరు నన్నెన్ని మాటలనే పరిస్థితి వచ్చేదో!

నేను రాముణ్ణి నమ్ముకోవటం అనేది నాపురాకృతసుకృతఫల మయ్యింది
లేకుంటే ఈ భవసాగరతరంగాల ఆటుపోట్లను ఎలా తట్టుకో గలిగే వాడిని?