25, ఫిబ్రవరి 2014, మంగళవారం

ఏమి చేయ మందు వీశ్వరా



ఏమి చేయ మందు వీశ్వరా  ఈ వేదన
లే మిష కలిగించి తీశ్వరా

ఇల్లు రెండు చెక్కలాయె
తల్లి మనసు ముక్కలాయె
ఎల్లెడ పెను చీకటాయె
పిల్లల గతి తెలియదాయె
    ఏమి చేయ మందు వీశ్వరా

ఈ జాతి భవిష్యమెల్ల
రాజకీయ నాయకులే
భోజనము చేయుచుండ
ఈ జన మే మౌదురో
    ఏమి చేయ మందు వీశ్వరా  

 మంచి వాడ వైన నీవు
కొంచెము దయ జూపవాయె
వంచకులను నెట్టి వెలుగు
నించవాయె మా బ్రతుకుల
ఏమి చేయ మందు వీశ్వరా  





వ్యాఖ్యలు లేవు:

వ్యాఖ్యను పోస్ట్ చెయ్యండి

కం. పలుకుడు పలికెడు నెడలను
పలుకుల విలువలకు మురిసి పలికెడు కళలో
నిల గడుగడు నిపుణులు తగ
పలికెడు తెఱగిటుల ననుచు పలుకగ విబుధుల్

(తెలుగులో వ్రాయటానికి అవసరమైతే లేఖిని సహాయం తీసుకోండి. Windows వాడేవారు ప్రముఖ్ IME డౌన్ లోడ్ చేసుకోవచ్చును )

గమనిక: అమోదించబడిన వ్యాఖ్యలు మాత్రమే ప్రచురించబడతాయి.