21, ఫిబ్రవరి 2014, శుక్రవారం

ఒకచోట .. వేరొకచోట....





పరమానందం ఒకచోట
పరమవిషాదం ఒకచోట

గర్వోన్మత్తత ఒకచోట
నిర్వేదం వే రొకచోట

వేకువ విరియుట ఒకచోట
చీకటి ముసురుట ఒకచోట
 
ఆహా ఓహో‌ లొకచోట
హాహాకారా లొకచోట

రాగాలాపన లొకచోట
మూగరోదన లొకచోట

పన్నీటిధార లొకచోట
కన్నీటివాన లొకచోట

మక్కువ తీరుట యొకచోట
దిక్కులు కూలుట యొకచోట

కాలము వలచుట యొకచోట
కాలము కఱచుట యొకచోట

అన్నీ దక్కుట యొకచోట
అన్నీ‌ పోవుట యొకచోట

కాలచక్రము తిరుగుచుండగా
మేలు కీడులు చేయుచుండగా

ఆకులు కొన్ని పైకి చేరును
ఆకులు కొన్ని క్రిందికి జారును

ఏ చేతికిని చిక్కని కాలము నిజముగ పెద్దజాణ
నీచైర్గచ్ఛ త్యుపరి చ సదా చక్రనేమిక్రమేణ

గఛ్ఛతి గఛ్ఛతి గఛ్ఛతి  కాలం చక్రనేమిక్రమేణ
గఛ్ఛతి గఛ్ఛతి గఛ్ఛతి  కాలం చక్రనేమిక్రమేణ 




10 వ్యాఖ్యలు:

  1. ప్రత్యుత్తరాలు
    1. అంతే.
      కాలోస్మిలోకక్షయ కృత్ప్రవృద్ధో లోకాన్ సమాహర్తుమిహ ప్రవృత్తః, అని ఆయనే నిష్కర్ష చేసాడు కదా!

      తొలగించు
  2. " అన్నీ దక్కుట యొకచోట
    అన్నీ‌ పోవుట యొకచోట "

    ఇవి రెండూ పెద్ద అబద్ధాలు.

    ప్రత్యుత్తరంతొలగించు
    ప్రత్యుత్తరాలు
    1. ఈ‌ కవిత ఏ సంఘటనకూ‌ ప్రత్యేకించి సూటిగా అన్వయించి చెప్పినది కాదు, ఒక సంఘటన ప్రేరకం ఐతే కావచ్చును గాక.

      తొలగించు
    2. ఐనా, నాకు తెలియక అడుతుగున్నాను. ఇంకా తెలంగాణాకు సీమాంధ్రనుండి ఊడగొట్టి ఇవ్వవలసినవి ఏమన్నా ఉన్నాయా? ఒకవేళ ఉంటే వాటినీ‌ తెలంగాణాకు ఇవ్వకుండా చట్తసభల్లో అధికారప్రతిపక్షాలకూటమిని అడ్డుకునే వారు ఎవరూ? సీమాంధ్రకు ఇంకా ఏది మిగిలి ఉన్నదీ అవగాహన కావటం లేదు. ఇక్కడినుండీ జీవనపోరాటం చేయాలి. తెలంగాణావారికి సహకారం పేరుతో తమకు ఉన్నవి కూడా ఊడ్చి ఇవ్వవలసి వస్తుందేమో తెలియదు. ఏమి ఒరిగిందీ? ఏమి మిగిలిందీ సీమాంధ్రకు? అన్నట్లు ప్రధానిగారి శుష్కప్రియాలు ఏవో రాలాయి - వాటికి ఏవిధమైన చట్టబధ్ధతా లేదు. ఎవరూ వాటిని పట్టించుకొనేదీ లేదు. మరింతగా సీమాంధ్రను అపహాస్యం చేయటమే వాటి ఆంతర్యం తప్ప మరేమీ లేదు.

      తొలగించు
  3. daasharadhi vrasina rangularatnam cinemaloni paataku idi anukaranaa leka ayane e kavithanu anukarinchaaraa? telupagalaru...

    కలిమిని నిలువదు ..లేమి నిలువదు ..కలకాలం వోకరీతిగడవదు ..నవ్విన కళ్ల్లె చేమ్మగిల్లగా ..వాడిన పైరే పచ్చగిల్లగా..ఇంతెర ఈ జీవితం.. తిరిగే రంగుల రాట్నమూ ..

    ప్రత్యుత్తరంతొలగించు
  4. నిస్పృహను తదేకంగా జపిస్తే అది వృద్ధి చెంది మరింత కుంగదీస్తుంది. భగవద్గీతను జీవితానికి అన్వయించే అలవాటున్న మీరు "క్లైబ్యం మాస్మ గమః పార్ధ...", "అజ్ఞశ్చా శ్రద్ధధానశ్చ...", "ఉద్ధరేదాత్మనాత్మానం .. ", "అసంశయం మహాబాహో ..", "తస్మాదసక్తః సతతం కార్యం కర్మ సమాచర ...", "తస్మాత్వముత్తిష్ట యశో లభస్వ .." వంటి స్ఫూర్తి కిరణాలను విస్మరించరాదు.

    ప్రత్యుత్తరంతొలగించు
    ప్రత్యుత్తరాలు
    1. ఈ పరిణామం పట్ల అసంతృప్తి మాట వాస్తవమే కాని అదేమీ నన్ను క్రుంగదీసేది కాదులెండి. కాని చట్టసభలు వ్యవహరించిన తీరు, అధికారప్రతిపక్షాల కూటమి నాటకాలూ అంతా ఒక కురుసభలా అనిపించి చిరాకు కలిగింది. మీరు పై టపాను జాగ్రత్తగా గమనిస్తే నిరాశావాదం ఏమీ కనిపించదు. చక్రనేమిక్రమంలో కాలక్రమేణా అందరికీ క్రిందుమీదులు సహజం అన్న పాయింటే‌ ప్రస్తావించాను. అంతే.

      తొలగించు
  5. కాలోహి బలవాన్.. ఎవరు గెలిచారు ఎవరు ఓడారు, కాలం తప్ప, భగవద్గీత వాక్యాలు ప్రమాణాలే, వాటిని శ్రుతి వాక్యాలు సమర్థించినప్పుడు మాత్రమే. భగవద్గీత బోధ జరిగింది మోహ ధ్వంసం కొరకు (నష్టో మోహః స్మృతిర్లబ్దః...), తెలుగు జాతి యావత్తూ ఉత్తేజాన్ని పొంది ఇన్నేళ్ళుగా నివురు గప్పి ఉన్న శక్తిని, ప్రతిభా పాటవాలను ఇకనైనా బయటకు తీసి ఒక ప్రాంతం, భాషకే కాదు యావత్ప్రపంచానికే దారి చూపించేలా ఎదగాలని ఆశిస్తున్నాను..

    ప్రత్యుత్తరంతొలగించు

కం. పలుకుడు పలికెడు నెడలను
పలుకుల విలువలకు మురిసి పలికెడు కళలో
నిల గడుగడు నిపుణులు తగ
పలికెడు తెఱగిటుల ననుచు పలుకగ విబుధుల్

(తెలుగులో వ్రాయటానికి అవసరమైతే లేఖిని సహాయం తీసుకోండి. Windows వాడేవారు ప్రముఖ్ IME డౌన్ లోడ్ చేసుకోవచ్చును )

గమనిక: అమోదించబడిన వ్యాఖ్యలు మాత్రమే ప్రచురించబడతాయి.