9, జనవరి 2014, గురువారం

నీ గుడివాకిట నిలచితిని లోనికి రాదగు వాడనొ కానో




నీ గుడివాకిట నిలచితిని
లోనికి రాదగు వాడనొ కానో



మానవుడను దుర్మానిని నేను
కానిపనులను కపటంబులను
మానగ లేను మన్నించవయా
ఏనాడో నీవే సరిజేయవలె    
॥నీ గుడివాకిట॥

ధర్మము నెఱిగి యధర్మము నెఱిగి
ధర్మమార్గమౌ దలదాల్చగ లేనే
కర్మమెట్టిదో కట్టుబడితి న
ధర్మమార్గమున దయజూపవయా  
॥నీ గుడివాకిట॥

అన్నీ తెలిసి న న్నేమనని నిను
కన్నుల జూడగ కడు సిగ్గాయెను
నిన్నే నమ్మితి నీవే దిక్కిక
ఎన్నడు యోగ్యత నిత్తువో దేవ  
॥నీ గుడివాకిట॥




1 వ్యాఖ్య:

  1. బాగుందండి. మీ పద్యాలు చదివినప్పుడల్లా కంచెర్ల గోపన్న గురుకొస్తున్నాడు. ఆయనకున్న చనువు (ఎవడబ్బ సొమ్ము అని...) రాముడి దగ్గిర మీకు లేదులా ఉంది. :-)

    ఈ మధ్యన ఏమీ రాయడం లేదులా ఉంది. పూతన ఖంఢ కావ్యం ఎప్పుడు పూర్తి చేస్తున్నారు? అంతా కులాసాయేనా?

    ప్రత్యుత్తరంతొలగించు

కం. పలుకుడు పలికెడు నెడలను
పలుకుల విలువలకు మురిసి పలికెడు కళలో
నిల గడుగడు నిపుణులు తగ
పలికెడు తెఱగిటుల ననుచు పలుకగ విబుధుల్

(తెలుగులో వ్రాయటానికి అవసరమైతే లేఖిని సహాయం తీసుకోండి. Windows వాడేవారు ప్రముఖ్ IME డౌన్ లోడ్ చేసుకోవచ్చును )

గమనిక: అమోదించబడిన వ్యాఖ్యలు మాత్రమే ప్రచురించబడతాయి.